Whakatipu huawhenua

I tēnei wiki i hanga mātou i ngā pouaka hei whakatipu i ngā kai. Ā tērā wāhanaga kei te tunu kai mātou ki te manako ka whakamahi mātou i ēnei tipuranga. Tirohia ki ngā pikitia.

Te wiki o Te Reo Māori

Ko te wiki o Te Reo Māori. I te wā o te noho pākati i whakaako a Matua Leon i tētahi waiata. Ia rā i whakawai mātou i te kainga. 

I hui mātou te kura ki te whakanui i te wiki o te Reo Māori. I whakaatu mātou i te waiata miharo o Matua Leon.

Matakitaki i a mātou

Tunu kai ki te kainga

 I tēnei rangi i tunu mātou i ngā pihikete kāngarere.  Ko te kaupapa i ia Paraire ko te tunu. I hui topa mātou a Te Whiri, ā, i tunu pihikete mātou. I hiamo mātou, ā,  i harikoa hoki na te mea i āwhina o mātou mātua.

Ānei he kiriata o ētahi o mātou pihikete

Te Hui topa tuatahi

 Tēnā koutou e te ao ipurangi, i tēnei rangi i timata mātou ki te ako ki te kainga. Ko te rangi tuatahi mo ētahi o mātou. He rerekē ēngari he pai na te mea ka kite mātou i a mātou hoa. I tākaro kemu mātou i te kemu rapu i ngā taputapu me te kāhuta. I ako hoki mātou i ētahi kupu hou.

 Ko ngā whakaritenga o a mātou ako ki te kainga, ā, i ngā Mane ka ako mātou i Te reo-a-waha, i ngā Turei ka ako i te pānui, i ngā Wenerei ka ako i te tuhituhi, i ngā Taite ka ako mātou i te Pāngarau, ā, i te Paraire ka tunu ka mahi toi rānei.  Hoki mai ki te kite he aha a mātou mahi

Tau ke ki te ako

Tēnā koutou e te ao ipurangi,  i te Tūrei i ako mātou i tētahi mātapono o te kura, ā, ko te Tau ke ki te ako. I mahi mātou i tētahi whakaari e whakaatū i ngā tikanga ki ngā wāhi rereke. I mahi mātou i tētahi pānui hoki. Ānei te whakaari o te roopu Puna me taku pānui.

Tuia ngā whetu!

Tēnā koutou e te ao ipurangi. I tēnei wiki i hoki mātou ki tētahi o ngā mahi toi i whakaatu a Whaea Janeen. Ko te mahi te mahi ko te tuitui i ngā whetu.

I whakaine mātou i ngā wāhanga 12 ara i peita mātou i ngā pereti. I whiria ngā wūru e rua a i timata mātou ki te tuitui. He uaua te tuitui i te mea i ahua rangirua i ngā nama e tika ana.

Mo te mahi tuitui ka tuia te 12 karaka a ka tui ki te 6, ara te 1 ki te 7, 2 ki te 8, 3 ki te 9, 4 ki te 10, 5 ki te 11, 6 ki te 12.  Mutu ana tērā i timata mātou ki te tui i ngā whetu, ka timata ki te 1 karaka a ka tuia ki te 5 ara ko te 2 kite 6, 3 ki te 7, 4 ki te 8, 5 ki te 9, 6 ki te 10, 7 ki te 11, 8 ki te 12, 9 ki te 1, 10 ki te 2, 11 ki te 3, 12 ki te 4, 1 ki te 5.

He uaua te mahi ēngari i oti pai matou i te mahi.

He Hakoritanga mo māmā

I tēnei wiki i whakarite mātou i tētahi hākoritanga mo a mātou māmā! I whakaaro mātou i ngā oritenga o ngā huatangata ki o mātou māmā. Tirohia ki ētahi o ngā hakoritanga!  

Na Awawhakaora

Na Kāpiti